Көлік, логистика және инженерлік экономика факультеті

Көлік, логистика және инженерлік экономика факультетінде мамандарды даярлау сапасын одан әрі арттыруға, өндіріспен байланысты нығайтуға, рейтингтік жүйе негізінде оқытудың озық технологияларын енгізуге, жаңа мамандықтар мен мамандандыруларды ашуға, мамандықтар бойынша білім берудің мемлекеттік стандарттарын әзірлеуге басты назар аударылады. Көлік-жол факультеті автомобиль, теміржол және өнеркәсіптік көліктің ірі кәсіпорындарын, жол – құрылыс ұйымдарын басқаратын басқару, қоғамдық және коммерциялық қызметтің барлық буындарында табысты жұмыс істейтін көптеген жоғары білікті мамандар дайындады.
«Көлік техникасы және логистикалық жүйелер» кафедрасы
«Көлік техникасы және логистикалық жүйелер» кафедрасы – көлік саласы мен логистикалық құрылымдар үшін жаңа буын мамандарын даярлайтын университеттің оқу-ғылыми бөлімшесі. Кафедраның миссиясы – көлік техникасын дамыту, тасымалдауды ұйымдастыру және логистиканы басқару саласындағы кешенді міндеттерді шешуге қабілетті, инженерлік-интеллектуалдық әлеуетті қалыптастыру. Бұл мақсатқа цифрлық технологияларды, жасанды интеллектті және заманауи басқару әдістерін қолдану арқылы қол жеткізіледі. Кафедраның мақсаты – көлік және логистика саласында инновациялық ойлау жүйесіне ие, кәсіби біліктілігі жоғары, көлік техникасын пайдалану мен логистикалық үдерістерді ұйымдастыру аясында практикалық және ғылыми тапсырмаларды өз бетінше шеше алатын мамандарды сапалы даярлау. Кафедра бакалаврлар, магистранттар және философия докторларын (PhD) даярлау бойынша оқу бағдарламаларын жүзеге асырады. Оқыту инженерлік білімді, цифрлық құзыреттерді және практикалық бағыттылықты біріктіруге негізделген.

Бөлім меңгерушісі: Жаркенов Нурсултан Балгаевич

Мұғалімдер саны: 33

"Жоғары математика" кафедрасы
«Бұл ғылымның ешқандай дәйектілік жоқ, математикалық ғылымнан ешқандай қосымша алуға және математикамен байланыстыруға келмейді.» Леонардо да Винчи ЖМ кафедрасының миссиясы көпсалалы классикалық білім өрісінде жоғарыбілікті мамандарды дайындауда, ЖМ курысынның функционалды белгісін жақсарту және келешекте арнайы пәнді оқытуда оның тиімділіктерін пайдалану қабілеттілігімен қортындылады. ЖМ кафедрасының мақсаты мен міндеттері нарықтық экономика жағдайында бәсекелеске қабілеттікті жоғарлату мақсатында профессионалды – практикалық әрекеттер мен ғылымды жүзеге асыру үшін математика ізденушісінің әдеттерін жақсартудан, студентердің үлгерімдерін арттыруда инновациялық білім енгізу, мамандарды дайындау үшін қазіргі заманғы компьютер технологияларын қолдану негізінде оқу жүйесін білім сапасымен қамту мақсатынан тұрады.

Бөлім меңгерушісі: Журов Виталий Владимирович

Мұғалімдер саны: 22

«Өнеркәсіптік көлік» кафедрасы
«Өнеркәсіптік көлік» кафедрасының мақсаты – инженердің (зерттеушінің) инновациялық ойлау стилін қалыптастыру және білімді жүйелі пайдалану негізінде көлік саласының міндеттерін өз бетінше шеше алатындай деңгейде жан-жақты дамуын қамтамасыз ету. Проф. А.Н. Данияров атындағы «Өнеркәсіптік көлік» кафедрасы келесі бағыттар бойынша даярлық жүргізеді: 6В11301 «Көлікті пайдалану және жүк қозғалысы мен тасымалдауды ұйымдастыру» білім беру бағдарламасы бойынша көлік бакалавры. Оқу барысында көлік бакалаврлары келесі дағдыларды игереді: өндірістің жаңа технологияларын өз бетінше игеру; өнімнің өзіндік құнын, табысты және пайдалану шығындарын анықтау; мақсатқа жетудің тиімді әдістері мен технологияларын таңдау және жүйенің (кәсіпорынның, ұйымның, цехтың) мақсаттарына декомпозиция жүргізу; өндірісті ұйымдастыру деңгейін, технологиясын және жай-күйін талдау; компьютерлік және ақпараттық техниканы қолдану; тиеп-түсіру техникасын немесе оның жекелеген агрегаттары мен механизмдерін есептеу және конструкциялау. 6В07210 «Тау-кен өнеркәсібінің өндірістік көлігі» білім беру бағдарламасы бойынша өндірістік көлік бакалавры. Оқыту барысында көлік бакалаврлары мынадай дағдыларды меңгереді: экономикалық ақпаратты талдау және өңдеу, бизнесті ұйымдастыру және жүргізу; жұмыс орындарын таза ауамен қамтамасыз ету және жер асты тау-кен қазбаларын тиімді желдетуді басқару үшін дұрыс техникалық шешімдер табу; жер қойнауын пайдалану, қатты пайдалы қазбаларды өндіру, жер асты нысандарын салу және пайдалану кезінде тау-кен және жарылыс жұмыстарын техникалық басқару, сондай-ақ төтенше жағдайларда өндірістік объектілердегі процестерді тікелей басқару; пайдалы қазба кен орындарын игеру кезінде механикаландыру құралдарын, технологияны және еңбекті ұйымдастыру тәсілдерін таңдау; өндірістің түрлі жағдайларына арналған көлік түрін таңдау, ашық және жер асты тау-кен жұмыстарында, сондай-ақ зауыттар мен фабрикаларда қолданылатын көліктік-технологиялық сызбаларды таңдау; темір жолдарды техникалық пайдалану ережелерін тәжірибеде қолдану, сигнал беру және байланыс құралдарын пайдалану, қозғалыс қауіпсіздігі бұзылған жағдайда құжаттама дайындау.

Бөлім меңгерушісі: Аскаров Бахтияр Шарапиденович

Мұғалімдер саны: 15

«Қазақ тілі және мәдениеті» кафедрасы
Қазақ тілі және мәдениеті кафедрасы қазақ тілін меңгертіп, мемлекеттік тілде іс жүргізуге үйрете отырып, оқу-әдістемелік және тәрбие жұмысын жүзеге асырады. Кафедра жұмысы студенттердің қазақ тілін оқып, түрлі коммуникативтік – қоғамдық-саяси, оқу, кәсіби, әлеуметтік тұрмыстық салаларда мемлекеттік тілді еркін меңгеруіне бағытталған. Кафедра өз жұмысын оқу, әдістемелік, ғылыми-зерттеу, тәрбие және тағы да басқа жұмыс түрлерін қамтитын жылдық жоспарларға сәйкес жүргізеді. Қазақ тілі және мәдениеті кафедрасының профессорлық-оқытушылық құрамы «Қазақ тілі» пәнін университеттің 1-курс студенттеріне және «Кәсіби қазақ тілі» пәнін магистранттарға жүргізеді. Кафедраның миссиясы: Өздерінің болашақ кәсіптік қызметінде заман талабына сай жинақтаған білімін, кәсіби дағдыларын жоғары деңгейде көрсете алатын, адамгершілік қасиеттері биік, біліктілігі жоғары, бәсекеге қабілетті мамандарды даярлауда ұлттық және халықаралық білім беру стандарттарына сәйкес жоғары сапалы білім беру қызметін ұсыну.

Бөлім меңгерушісі: Калыбекова Каламкас Сагиндыковна

Мұғалімдер саны: 21

«Кәсіпорын экономикасы мен менеджменті» кафедрасы
«Кәсіпорын экономикасы және менеджменті» кафедрасы бітіруші кафедра болып табылады. «Бакалавриат-магистратура» заманауи екі сатылы білім беру моделі бойынша оқыту жүргізеді. «Кәсіпорын экономикасы және менеджменті» кафедрасының мақсаты қазіргі заманғы стандарттар талабына сай 6В04107 «Өнеркәсіп экономикасы», 6В04108 «Өнеркәсіптегі есеп және аудит», 6В04109 «Бағалау (салалар бойынша)», 6В04110 «Өнеркәсіп салаларындағы маркетинг» мамандықтарының бакалаврларын, 7М04104, 7М04107 «Өнеркәсіп экономикасы» мамандығының магистранттарын дайындаудың жоғарғы деңгейін қамтамасыз ету болып табылады. «Кәсіпорын экономикасы және менеджменті» кафедрасының тапсырмасы әлемдік стандарттарға сай сапалы білімді қамтамасыз ету болып табылады. Кафедра білім беру процесінде жоғары оқу орындарын даярлау саласындағы жетекші ғылыми-педагогикалық жетістіктерді пайдаланады, білім беру сапасын арттырады, оқу-әдістемелік және ұйымдастырушылық жұмыста оқытушылардың шығармашылық белсенділігін ынталандырады. «Кәсіпорын экономикасы және менеджменті» кафедрасының даму перспективалары озық инновациялық оқытуды енгізу, ғылыми және педагогикалық біліктіліктің өсуі, Болон процесінің принциптерін қолдану, студенттердің ғылыми-зерттеу жұмысына қатысуының өсуін қамтамасыз ету, оқу-тәрбие процесін жетілдіру негізінде оқу процесінің сапасын арттыру болып табылады. Сондай-ақ кафедраның даму перспективаларының бірі профессорлық-оқытушылық құрамның Қазақстанда да, әлемде де таратылатын ғылыми және оқу-әдістемелік материалдар (монографиялар, оқулықтар, оқу құралдары, әдістемелік нұсқаулықтар, нұсқаулықтар, ғылыми мақалалар) кешенін әзірлеуге және басып шығаруға қатысуы болып табылады.

Бөлім меңгерушісі: Танекеева Гаухар Джошина

Мұғалімдер саны: 33