Пак Дмитрий Юрьевич

Тау жыныстарының физикасы

Пән петрофизикалық зерттеулер саласында студенттерді даярлаудың негізі болып табылады. Курс бөлімдермен ұсынылған: тау жыныстарының жеке айырмашылықтарының физикалық қасиеттері; тау жыныстарының жеке фазаларының шамалар мәндеріне қатынасы және өзара әрекеттесуі; негізгі физикалық процестер, петрофизикалық байланыстар. Курсты зерттеу тау жыныстарының коллекторлық қасиеттерін анықтау үшін физикалық заңдардың тау жыныстарына әсерін бағалау қабілетін қалыптастыруға негізделген.

Радиометрия және ядролық геофизика

Пән ядролық-геофизикалық зерттеулер саласында студенттерді даярлаудың негізін құрайды. Курс бөлімдермен ұсынылған: гамма-сәулеленудің затпен әрекеттесуі. Гамма-сәулеленудің әлсіреу Заңы. Нейтрондардың серпімді және серпімді емес шашырауы. Жылу нейтрондарының радиациялық қармалуы. Иондаушы сәулеленуден қорғау принциптері. Курсты оқу ядролық-геофизикалық зерттеулер кезінде міндеттерді шешу және қателіктерді есептеу үшін ядролық-физикалық әдістерді қолдану дағдыларын алуға бағытталған.

Магистранттың ғылыми-зерттеу жұмысы, оның ішінде тағылымдамадан өту және магистрлік диссертацияны орындау (МҒЗЖ)

Магистранттың ғылыми-зерттеу жұмысы ғылыми зерттеу жоспарын әзірлеуге, қажетті зерттеу әдістерін таңдауға және мәліметтерді жинауға, алынған зерттеу нәтижелерін өңдеуге бағытталған. МҒЗЖ негізгі мақсаты эксперименталды-зерттеу қызметінің нәтижелері бойынша есептер жасай білу, патент және зияткерлік меншік құқығын алу құжаттарын рәсімдеу болып табылады.

Ғылыми зерттеулердің негіздері

Пәнді оқытудың мақсаты: білім алушыларда ғылыми зерттеу нәтижелерін ұйымдастыру, өткізу және ұсыну қабілеті туралы білімнің базалық жүйесін қалыптастыру болып табылады. Курс келесі бөлімдер бойынша ұсынылған: зерттеудің әдіснамалық сипаттамалары (зерттеудің өзектілігін негіздеу; зерттеу мәселесі мен тақырыбы; зерттеудің мақсаты, объектісі және пәні; зерттеу гипотезасы; зерттеу міндеттері; эксперименттік қызметті бағалау критерийлері); зерттеудің негізгі әдіснамалық сипаттамаларының өзара байланысы; зерттеу нәтижелерін өңдеу; материалдарды жинақтау және тезистер, мақалалар, курстық жұмыстар/жобалар, дипломдық жұмыстар/жобалар және ғылыми жобалар түрінде ресімдеу; ғылыми жұмыстарды ресімдеу қағидалары.

Ғылыми зерттеу әдістері

«Ғылыми зерттеу әдістері» пәні докторанттардың экономикалық ғылымның қазіргі заманғы әдіснамасы, экономика саласындағы іргелі және қолданбалы зерттеулерді ұйымдастыру және жүргізу қағидаттары туралы тұтас түсінігін қалыптастыруға, жаңа ғылыми білімді қалыптастыра алатын, бірегей зерттеу тәсілдерін әзірлейтін және ғылыми қызмет нәтижелерін білім беру процесіне тиімді ықпалдастыра алатын зерттеушінің ғылыми-педагогикалық мәдениетін дамытуға бағытталған. Пән аясында ғылыми танымның философиялық және әдіснамалық негіздері, экономикадағы қазіргі ғылыми парадигмалар, ғылыми зерттеудің логикасы, зерттеу мәселесін қою әдіснамасы, гипотезаларды әзірлеу, зерттеудің тұжырымдамалық моделін қалыптастыру, сапалық, сандық және аралас зерттеу әдістерін таңдау мәселелері қарастырылады, экономикалық талдаудың, экономикалық-математикалық модельдеудің, эконометриканың, статистикалық талдаудың, деректердің үлкен массивтерін өңдеудің, өнеркәсіптік жүйелердің, инновациялық қызмет пен өнеркәсіптік саясаттың тиімділігін бағалаудың қазіргі заманғы әдістері зерделенеді. Академиялық адалдық, зерттеу этикасы, ғылыми коммуникацияны ұйымдастыру, рейтингі жоғары ғылыми басылымдарда жарияланымдар дайындау, зерттеу нәтижелерін халықаралық талаптарға сәйкес рәсімдеу, ғылыми қызметтің заманауи цифрлық құралдарын пайдалану, сондай-ақ диссертациялық зерттеуді дайындау әдіснамасы мәселелеріне ерекше назар аударылады. Пәннің ғылыми-педагогикалық құрамдас бөлігі жоғары білім беру жүйесінде білім беру процесін ұйымдастырудың заманауи тәсілдерін меңгеруге, ғылыми зерттеулер нәтижелерін оқу пәндерінің мазмұнына ықпалдастыруға, зерттеуге бағдарланған білім беру технологияларын әзірлеуге, білім алушылардың зерттеу қызметіне ғылыми жетекшілік ету дағдыларын қалыптастыруға, экономикалық ғылымның заманауи жетістіктеріне негізделген оқу-әдістемелік материалдарды жобалауға бағытталған.

Ғылыми жобаларды әзірлеу және басқару

Пән ғылыми жобаларды тиімді іске асыруды, олардың нәтижелерін өндіріске енгізу мен коммерцияландыруды қамтамасыз етуге арналған басқарушылық үдерістердің әдістері мен құралдарын зерделеуге бағытталған. Курс ғылыми жобаларды инициациялау кезеңінен бастап аяқталғанға дейін басқарудың заманауи тәсілдерін меңгеруге, ықтимал тәуекелдерді бағалауға және оларды басқаруға, жобалардың коммерциялық тартымдылығын қалыптастыруға, ақпаратты іздеу, сыни талдау және синтездеу әдістерін қолдануға, қойылған міндеттерді шешуде жүйелік тәсілді пайдалануға, заманауи ақпараттық технологиялар мен бағдарламалық құралдардың жұмыс істеу қағидаттарын түсінуге және оларды кәсіби қызметте, соның ішінде жасанды интеллект технологияларын пайдалану арқылы тиімді қолдануға бағытталған. Курстың негізгі бөлімдері: ғылыми жобалардың сипаттамалары; ғылыми жобаның құрылымы; ғылыми жобалардың этикалық және құқықтық аспектілері; ғылыми жобаны инициациялау; жобаны жоспарлау; жобаны ұйымдастыру; жобаның орындалуын бақылау; жобаны аяқтау; жобалық топты басқару; ғылыми жобаларды іске асыру тәуекелдерін бағалау және оларды төмендету жолдары; ғылыми жобаларды сараптау; ғылыми жобаларды қаржыландыру және коммерцияландыру мәселелері.

Инновациялық өнімдерді техникалық жобалау