оқытушылық іс-әрекеттерде
2026 жыл
Маркшейдерское дело
Магистранттың ғылыми-зерттеу жұмысы ғылыми зерттеу жоспарын әзірлеуге, қажетті зерттеу әдістерін таңдауға және мәліметтерді жинауға, алынған зерттеу нәтижелерін өңдеуге бағытталған. МҒЗЖ негізгі мақсаты эксперименталды-зерттеу қызметінің нәтижелері бойынша есептер жасай білу, патент және зияткерлік меншік құқығын алу құжаттарын рәсімдеу болып табылады.
Пән жер қыртысының химиялық және минералды құрамын бағалау тәсілдерін, кен орындарының морфологиялық ерекшеліктері мен генетикалық түрлерін зерттейді. Кен орындарын жатыс нысандары мен типтері бойынша зерделеу кезінде тау-кен-геометриялық есептерді шешу, Surpak бағдарламасын қолдана отырып кен орнының құрылымын бейнелеу, объектілердің кеңістіктік-геометриялық жағдайын анықтау. Datamine Studio бағдарламаларымен жұмыс істеу кезіндегі геологиялық-маркшейдерлік және геодезиялық тәжірибедегі мүмкіндіктер.
Пән мәліметтерді өңдеу процесін басқаратын автоматтандырылған жүйемен біріктірілген, белгілі бір ғылыми және инженерлік міндеттерді шешуге арналған қолданбалы геоақпараттық жүйелер кешенін қолдана отырып өлшеу нәтижелерін жинау және өңдеу әдістерін оқытады
Пәннің мақсаты ізденістерді жүргізудің техникалық-экономикалық негіздемесінің алдын ала кезеңдерін анықтау, деректер нәтижелерін жинау, талдау және пайдалану, жұмыс құжаттамасын жобалау және жасау болып табылады. Пән геофизикалық зерттеулердің заманауи әдістерінің көмегімен жүргізілген геодезиялық ізденістердің нәтижелерін қолдануға бағытталған
Магистранттың зерттеу практикасының негізгі мақсаты отандық және шетелдік ғылымның теориялық, әдістемелік және технологиялық жетістіктерін оқу, сонымен қатар ғылыми зерттеулердің заманауи әдістерін қолданудың тәжірибелік дағдыларын бекіту, магистрлік диссертациялық зерттеуде тәжірибелік деректерді өңдеу және түсіндіру болып табылады.
Пән ғылыми-инновациялық қызметті (ҒИҚ) басқарудың қағидаттары мен әдістерін зерделеуге бағытталған. Курс мынадай бөлімдерден тұрады: ҒИҚ-ты жоспарлау; ҒИҚ-тың эксперименттік деректерін өңдеу және талдау; ҒИҚ-тың техникалық-экономикалық негіздемесі және жобаларды коммерцияландыру; ғылыми-инновациялық қызмет кезеңдеріне мониторинг жүргізу; эксперименттік-зерттеу міндетінің жобалық шешімін қалыптастыру; ҒИҚ нәтижелерін дайындау және жариялау; ҒИҚ нәтижелерін көпшілік алдында қорғауға ұсыну. Курсты оқу кәсіби қызмет шеңберінде ҒИҚ-ты жоспарлауды, іске асыруды және мониторинг жүргізуді қамтитын басқару дағдыларын қалыптастыруға бағытталған.
Пән ғылыми зерттеулерді ұйымдастыру және жүргізу саласындағы теориялық дайындықтың бөлігі болып табылады. Бөлімдер: зерттеудің әдіснамалық сипаттамалары (зерттеу өзектілігінің негіздемесі; зерттеу мәселесі мен тақырыбы; зерттеу мақсаты, объектісі және пәні; зерттеу гипотезасы; зерттеу міндеттері; эксперименттік қызметті бағалау критерийлері); зерттеудің негізгі әдіснамалық сипаттамаларының өзара байланысы; теориялық және эмпирикалық зерттеу әдістері; зерттеуде формализациялаудың статистикалық әдістері мен құралдары. Курсты оқу ғылыми зерттеулерді ұйымдастырудың әдіснамалық негіздері мен технологиялары туралы базалық білім жүйесін қалыптастыруға бағытталған
Пән білім алушылардың ғылыми зерттеуді ұйымдастыру, жүргізу және оның нәтижелерін ұсыну бойынша базалық білімдері мен практикалық дағдыларын қалыптастыруға бағытталған. Пән аясында зерттеудің әдіснамалық негіздері, ғылыми мәселені айқындау, мақсат, міндеттер мен гипотезаны тұжырымдау, зерттеу әдістерін таңдау, алынған нәтижелерді өңдеу және түсіндіру, ғылыми мақалалар, жобалар мен бітіру жұмыстарын дайындау мәселелері қарастырылады. Академиялық адалдық пен зерттеу этикасының қағидаттарына, дәйексөз келтіру және дереккөздерді рәсімдеу ережелеріне, плагиаттың, деректерді бұрмалау мен қолдан жасаудың алдын алуға, сондай-ақ цифрлық технологиялар мен жасанды интеллектіні ғылыми және оқу қызметінде жауапкершілікпен қолдануға ерекше назар аударылады.